27 May Ya se pueden demandar as capletas ta interpresas y autonomos por a crisis d’o COVID-19
S’eban preveyitas en o Reyal Decreto-lei 11/2020, de 31 de marzo. Se puede aplicar á os creditos conzeditos dende o 18 de marzo dica un limite de 1,5 millons d’euros y se reserva o 50% d’a suya dotazión ta guarenziar os amprens á autonomos y pymes. Tamién s’ha duplicata ra línia espezífica ya existén ta ro seutor turistico.
Con ista Línia, o ICO guarenziará os nuevos amprens y as renovazions conzeditas por entidaz finanzieras á interpresas y autonomos pa atender o pago de salarios, fauturas, nezesidat de zerculán u atras nezesidaz de liquidez, encluyindo ros venzimientos d’obligazions finanzieras u trebutarias.
Quedan escluyitas as unificazions y restruturazions d’amprens, igual como ro canzellamiento u o regasto antezipau de deutas preesistens.
As entidaz finanzieras deberán mantener ubiertas as línias de zerculante d’os suyos cliens dica o 30 de setiembre y deberán transferir á os suyos cliens o esquimen derivau d’a capleta publica, en forma de menors reutos compuestos u mayor plazo, entre atras ozions. Antimás, no podrán condizionar l’apreazión d’os amprens á l’alquisizión por parti d’o clién de garra atro servizio u produto.
As capletas atorgatas por o ICO cubrirán o importe prenzipal de l’ampren impagau por o clién, escluyitos atros conzeutos, como ros reutos ordinarios u de demora.
En acotolar-se ista primera tongada d’a Línia de Capletas, o Gubierno abelitará una nueva tongada, cualas condizions se detallarán en o suyo momento, ta guarenziar que a liquidez sigue fluyindo de traza apropia enta as interpresas.
Más informazión: https://www.ico.es/web/ico/linea-avales
Si amenistas asistenzia:
delera@delera.eu / 679 19 18 74 (Miguel Martínez) / 618 52 92 66 (Pilar Villellas)
No Comments