Pautar l’adiamiento u a condonazión d’o loguero d’o nuestro local

27 May Pautar l’adiamiento u a condonazión d’o loguero d’o nuestro local

Ye posible plegar a bel alcuerdo con o propietario d’o nuestro local ta aduyar-nos a superar a tancadura temporal d’o negozio. Ixo sí: tot por escrito.

Ya fablemos fa bels días d’o Reyal Decreto-lei (RDL) 11/2020, de 31 de marzo, por o que s’adotan midas ta protecher d’o desafuzie a familias vulnerables que por causa d’o Covid-19 no puedan bosar o loguero d’a suya vivienda abitual. Lamentablemén, tals midas no afeutan, por exemplo, a os locals de negozios d’as interpresas y autonomos.

Pero ixo no empacha que, por mutuo intrés d’arrendadors y arrendatarios, se pueda plegar a pautar una suspensión u bella reduzión d’a renda d’istos locals entre que dure o estau d’alarma. En ixe causo, conviene que o logatario li demande a o logador por escrito a posibilidat de condonar u achiquir (por exemplo, en un porzentache dau) a renda a bosar en o tiempo que se determine y que iste conteste, tamién por escrito y firmau, manifestando ro suyo alcuerdo u o suyo desalcuerdo y, en o suyo causo, bella ufierta alternativa.

Insistimos: de plegar-se a bel alcuerdo, iste debe plasmar-se por escrito (se pueden escargar os modelos aquí), dau que supondreba una modificazión temporal de l’achuste que tiene bels posibles efeutos promanatos, y fundamentalmén dos:

(1) sirve de chustificán a l’ora d’ir a o banco a negoziar cualsiquiera d’as línias de credito y capletas que o gubierno ha destinau ta aduyar a interpresas y autonomos;

(2) sirve igualmén de chustificán debán de Fazienda, ya que tanto l’IVA devengau por o loguero como la retenzión d’IRPF abrán menguatas.

Si te cal más informazión u asistenzia:

delera@delera.eu / 679 19 18 74 (Miguel Martínez) / 618 52 92 66 (Pilar Villellas)