Fe click ta conoxer os detallos d'a convocatoria ta: ENTIDAZ LOCALS ENTERPRESAS ENTIDAZ SIN D'ANIMO DE LUCRO Para más INFORMACIÓN: 679 101 874 / delera@delera.eu ...
A interpresa familiar PISIOSSE, d'Exeya d'os Caballers, dedicata a l'ostelería en edifizios istoricos reabilitaus, s'ha feito con o zenobio oszense drento d'o concurso d'a Fundazión PROGEA contando con l'asesoramiento y os servizios de DELERA O zaguero 10 de noviembre se fazió a subastiella d'iste conchunto ordenata por o Chuzgau d’o Mercantil numero 2 de Zaragoza, resultando alchudicataria d'a mesma ra interpresa PISIOSSE S.C. O conchunto, con una superfizie edificata de poco menos de 10.000 m2 situau en una parzela de 29.000 m2, estió declarau Monimento Istorico-Artistico, de carauter nazional, por medio d’o Reyal Decreto de 16 de noviembre de 1979 d'o Menisterio de Cultura y o 16 de febrero de 2004 se completó a suya declarazión como Bien d'Intrés Cultural. Por tanto, ye sucheto a la lechislazión de protezión d'o Patrimonio Istorico d'a DChA. O monesterio estió fundau en o sieglo XI y a suya farcha autual ye produto de diferens etapas construtivas que abarcan os sieglos XII a XVII. O suyo estau de conservazión cheneral ye pro pasadero, espezialmén grazias a la intervenzión sobre as cubiertas reyalizata en os pasaus años por a Fundación PROGEA, malas que, con a crisis enzetata en 2008 y a fallita d'o Grupo PROGEA s'eban entrerrompiu os treballos de recuperazión y conservazión que siguen estando nezesarios. PISIOSSE ha estau en comunicazión permanén con o Conzello de Casbas dende o primer momento en que amostró o suyo intrés por iste monimento, podendo esponer a ra suya alcaldesa o suyo proyeuto pa lo mesmo una vez adquiriu, qui manifestó una favorable acullita. Asinas, entre os obchetivos de PISIOSSE ye lo d'ubrir un otel de libel dos u tres estrelas d'unas 25 u 30 cambras -adautatas a ra fesomía y destribuzión interior de l'edifizio istorico, sin d’alterazions estruturals, data a magnifica conservazión d'os suyos espazios interiors dica o sieglo XVII-, a creyazión d'una biblioteca y un zentro de dichitalizazión de fondos espezializau en Istoria meyeval, constituyiu por os fondos d'as bibliotecas de bels insignes profesors y catedraticos d'a Universidat de Zaragoza, aulas, salas de reunions y espazios multifunzionals pa autividaz culturals, sozials, interpresarials, ez., un espazio coworking y incobadora de proyeutos d'emprendimiento rural, un zentro d'informazión turistica y una botiga de ricuerdos y artesanía d'a zona. Tamién se preveye un posible uso residenzial u asistenzial pa mayors, de chicotas dimensions, seguntes os modelos de chestión y tratamiento innovadors adautaus a ra reyalidat d'as zonas rurals tasamén poblatas. Todas istas autuazions se levarán a cabo baxo os siguiens prenzipios: Preservazión y restituzión, en tot lo posible, de l'aspeuto orichinal d'o conchunto conforme a ras diferens epocas d'a suya construzión. Programazión de ditas autuazions a curto, meyo y largo plazo pero mantenendo a continuidat d'as mesmas, sin d’entrerrompizions indebitas. Mesa en valor y adecuazión d'as instalazions y iniziazión d'as autividaz propuestas que leven aparellatas a mida que queden en condizions d'uso inmeyato, sin adiar -d'estar posible- a suya iniziazión a aber completau o plan d'obras de reabilitazión. Sostenibilidat economica y reinversión de parte d'os benefizios en o propio monesterio y as suyas autividaz publicas. Os usos lucrativos s'almeinistrarán por una soziedat mercantil con cualos benefizios se contrebuyirá tanto a la recuperazión y conservazión d'o complexo monastico como a ras autividaz sin animo de lucro que s'encomendarán a una fundazión espezificamén constituyita pa tal fin. Sostenibilidat meyambiental: todas as autuazions a reyalizar buscarán en tot lo teunicamén posible, tratando-se d'un conchunto medieval, de millorar a efizienzia enerchetica, l'uso razional de l'augua y os recursos naturals, contrebuyir a ra transizión enerchetica y a ra luita cuentra o cambeo climatico. DELERA, consultora espezializata en o refirme a proyeutos de desarrollo rural innovador y repoblador ha asesorau y asistiu a o suyo clién PISIOSSE a o largo de tot iste prozeso y se felizita por contrebuyir a recuperar y meter en valor iste proyeuto cultural, sozial y interpresarial en favor d'o patrimonio aragonés y o desarrollo d'o monezipio de Casbas de Uesca y de toda a Comarca d'a Hoya de Huesca – Plana de Uesca ...
S'alchudicarán subvenzions por orden de solizitut a os munizipios chicoz que tiengan proyeutos enercheticos. Cal aprezisar-se, que s'acotolarán bien luego! L'IDAE (Instituto ta ra Diversificazión y Estalbio d'a Enerchía) fa clamamiento d’as aduyas d'o Programa DUS 5000, drento d'o Plan d'Aduyas ta proyeutos singulars d'enerchía limpia en munizipios chicoz u en risgo de despoblazión. Son aduyas de conzesión direuta -s'atenderán por orden de presentazión d'as solizituz, no pas por concorrenzia competitiva- destinatas a zinco tipos de midas: MIDA 1: Reduzión d'a requesta y o consumo enerchetico en edifizios y infrastruturas publicas. MIDA 2: Instalazions de chenerazión eleutrica renovable ta autoconsumo. MIDA 3: Instalazions de chenerazión termica renovable y de retes de calor y/u frior. MIDA 4: Luita cuentra a contaminazión luminica, alumbrau efizién y intelichén, Smart Rural y TIC. MIDA 5: Mobilidat Sostenible. A inversión minima a reyalizar ye de 40.000€ y a masima de 3.000.000€. Ye posible presentar solizituz entre o 5 de noviembre de 2021 y o 5 de noviembre de 2022 u dinantes, si s’acotola o presupuesto asignau. Delera cuenta con l'equipo de chestión alministrativa y teunica nezesario ta apoyar a os chiquez Conzellos que deseyen solizitar istas aduyas. Si amenestas más informazión u asistenzia: delera@delera.eu / 679 10 18 74 (Miguel Martínez Tomey)...
Os autonomos con l'autividat suspendita por o RD 483/2020 de 14 de marzo pueden demandar una prestazión extraordinaria por aturada d'autividat á causa d'o coronavirus. Tamién pueden demandar-ne os que en o mes zaguero aigan viesto menguata ra suya fauturazión en á o menos un 75% con respeuto á ra meya d'os zaguers 6 meses.
A os que tiengan negozios turisticos de toda mena lis intresará de seguras saper que bi ha una línia de finanziazión de l’Instituto de Crédito Oficial en buenas condizions pa aduyar-los á endurar a crisis económica que ha desatau o coronavirus. Ye posible otener dica 500.000€ a tornar dica en 4 años (con 1 de mancanza sobre o prenzipal) pa proyeutos d’inversión y nezesidaz chenerals de l’autividat d’autonomos e interpresas tals como lequidez pa gastos corriens, nomimas, pagos a proveyedors, compra de mercanzía, ez. Ista línia de credito tamién premite alquirir autivos fixos nuevos u de segunda man, veíclos turismos e industrials, adecuazión y reparo d’instalazions y alquisizión d’interpresas. Pueden benefiziar-sen: transportistas de pasachers (taxis bi encluyitos), otels y atros aloxes, restorans, puestos y servizios de minchar y catering, loguero de veíclos y atros articlos d’ozio, achenzias de viaches y reservas y turoperadors, archius, bibliotecas, museyos, puestos y edificios istoricos y atrás autividaz culturals, parques d’atrazions y temáticos y autividaz recreyativas y d’entretenimiento. Cal parar cuenta que si ez rezibito y abella aduya de cualsiquier almenistrazión publica ta ro vuestro negozio en as tres zagueras añadas, l’aduya que podez recibir no puede sobrexer, en sumando-la a o ya otenino, a cuantía de 200.000€ (tal ye o teito d’o que en a UE se denominan aduyas “de minimis”). Pa demandar-las cal endrezar-se a cualsiquiera d'as entidaz finanzieras colaboraderas de l'ICO. Pueden demandar-sen dica o 31 d'abiento de 2020. Más informazión: https://www.ico.es/web/ico/ico-sector-turistico-y-actividades-conexas- Si amenistas asistenzia: delera@delera.eu / 679 19 18 74 (Miguel Martínez) / 618 52 92 66 (Pilar Villellas) ...