Convocatas aduyas a l’innovazión fren a ra despoblazión

05 May Convocatas aduyas a l’innovazión fren a ra despoblazión

Ya s’han publicau en o Boletín Ofizial d’o Estau as convocatorias ta proyeutos d’entidaz locals, interpresas y entidaz sin animo de lucro (istas zagueras nomás si son d’ambito supraprovinzial, autonomico u estatal) ta fer fren a ra despoblazión.

1. O plazo ta demandar-las ye de 30 días abils a contar dende o siguién a la publicazión d’as convocatorias (4 de mayo de 2022) y se resolverán por concorrenzia competitiva. Nomás ta un unico proyeuto por demandán.
2. As aduyas son compatibles con atras que se puedan rezibir. Ta las interpresas s’aplica o rechimen de minimis, o que fa que l’importe a perzibir no supere o teito de 200.000 € d’aduya publica total que s’aiga puesto rezibir en as zagueras tres añadas.
3. A subvenzión será de dica un masimo d’o 90 % d’o gasto subvenzionable en o causo d’alministrazions locals y entidaz sin animo de lucro y d’o 70 % en o caso d’interpresas. Manimenos, será a resoluzión de conzesión a que fixará o perzentache y cuantía de l’aduya final a perzibir.
4. Serán finanziables os gastos contrayitos dende lo 1 de chinero de 2022 dica o 30 de chunio de 2024. L’importe d’as subvenzions conzeditas a las entidaz locals no podrá estar inferior a 25.000,00 € ni superar l’importe de 500.000,00 €. Ta interpresas y entidaz sin animo de lucro, istos limites son de 15.000 € y 200.000 €.
5. Gastos subvenzionables: personal, viaches y manutenzión, autividaz y auditoría de revisión d’a cuenta chustificadera (nomás dica un 10 %).
6. Se pueden demandar abanzes de dica o 100% d’a subvenzión, pero interpresas y entidaz sin animo de lucro abrán que depositar en a Caxa Cheneral de Depositos una guarenzia que cubra o 100% d’os diners antizipaus más un 20% por intreses de demora.
7. A chustificazión abrá de presentar-se en un plazo de tres meses dende a finalizazión d’o proyeuto.

Si amenestas más informazión u asistenzia:

delera@delera.eu / 679 10 18 74 (Miguel Martínez Tomey)