Author: Delera
04 Mar Aduyas d’o Fundo de Coesión Territorial d’Aragón. Prosima convocatoria
Fe click ta conoxer os detallos d'a convocatoria ta: ENTIDAZ LOCALS ENTERPRESAS ENTIDAZ SIN D'ANIMO DE LUCRO Para más INFORMACIÓN: 679 101 874 / delera@delera.eu ...
15 Nov Una interpresa exeyana alquiere o Monesterio d’a Gloria de Casbas
A interpresa familiar PISIOSSE, d'Exeya d'os Caballers, dedicata a l'ostelería en edifizios istoricos reabilitaus, s'ha feito con o zenobio oszense drento d'o concurso d'a Fundazión PROGEA contando con l'asesoramiento y os servizios de DELERA O zaguero 10 de noviembre se fazió a subastiella d'iste conchunto ordenata por o Chuzgau d’o Mercantil numero 2 de Zaragoza, resultando alchudicataria d'a mesma ra interpresa PISIOSSE S.C. O conchunto, con una superfizie edificata de poco menos de 10.000 m2 situau en una parzela de 29.000 m2, estió declarau Monimento Istorico-Artistico, de carauter nazional, por medio d’o Reyal Decreto de 16 de noviembre de 1979 d'o Menisterio de Cultura y o 16 de febrero de 2004 se completó a suya declarazión como Bien d'Intrés Cultural. Por tanto, ye sucheto a la lechislazión de protezión d'o Patrimonio Istorico d'a DChA. O monesterio estió fundau en o sieglo XI y a suya farcha autual ye produto de diferens etapas construtivas que abarcan os sieglos XII a XVII. O suyo estau de conservazión cheneral ye pro pasadero, espezialmén grazias a la intervenzión sobre as cubiertas reyalizata en os pasaus años por a Fundación PROGEA, malas que, con a crisis enzetata en 2008 y a fallita d'o Grupo PROGEA s'eban entrerrompiu os treballos de recuperazión y conservazión que siguen estando nezesarios. PISIOSSE ha estau en comunicazión permanén con o Conzello de Casbas dende o primer momento en que amostró o suyo intrés por iste monimento, podendo esponer a ra suya alcaldesa o suyo proyeuto pa lo mesmo una vez adquiriu, qui manifestó una favorable acullita. Asinas, entre os obchetivos de PISIOSSE ye lo d'ubrir un otel de libel dos u tres estrelas d'unas 25 u 30 cambras -adautatas a ra fesomía y destribuzión interior de l'edifizio istorico, sin d’alterazions estruturals, data a magnifica conservazión d'os suyos espazios interiors dica o sieglo XVII-, a creyazión d'una biblioteca y un zentro de dichitalizazión de fondos espezializau en Istoria meyeval, constituyiu por os fondos d'as bibliotecas de bels insignes profesors y catedraticos d'a Universidat de Zaragoza, aulas, salas de reunions y espazios multifunzionals pa autividaz culturals, sozials, interpresarials, ez., un espazio coworking y incobadora de proyeutos d'emprendimiento rural, un zentro d'informazión turistica y una botiga de ricuerdos y artesanía d'a zona. Tamién se preveye un posible uso residenzial u asistenzial pa mayors, de chicotas dimensions, seguntes os modelos de chestión y tratamiento innovadors adautaus a ra reyalidat d'as zonas rurals tasamén poblatas. Todas istas autuazions se levarán a cabo baxo os siguiens prenzipios: Preservazión y restituzión, en tot lo posible, de l'aspeuto orichinal d'o conchunto conforme a ras diferens epocas d'a suya construzión. Programazión de ditas autuazions a curto, meyo y largo plazo pero mantenendo a continuidat d'as mesmas, sin d’entrerrompizions indebitas. Mesa en valor y adecuazión d'as instalazions y iniziazión d'as autividaz propuestas que leven aparellatas a mida que queden en condizions d'uso inmeyato, sin adiar -d'estar posible- a suya iniziazión a aber completau o plan d'obras de reabilitazión. Sostenibilidat economica y reinversión de parte d'os benefizios en o propio monesterio y as suyas autividaz publicas. Os usos lucrativos s'almeinistrarán por una soziedat mercantil con cualos benefizios se contrebuyirá tanto a la recuperazión y conservazión d'o complexo monastico como a ras autividaz sin animo de lucro que s'encomendarán a una fundazión espezificamén constituyita pa tal fin. Sostenibilidat meyambiental: todas as autuazions a reyalizar buscarán en tot lo teunicamén posible, tratando-se d'un conchunto medieval, de millorar a efizienzia enerchetica, l'uso razional de l'augua y os recursos naturals, contrebuyir a ra transizión enerchetica y a ra luita cuentra o cambeo climatico. DELERA, consultora espezializata en o refirme a proyeutos de desarrollo rural innovador y repoblador ha asesorau y asistiu a o suyo clién PISIOSSE a o largo de tot iste prozeso y se felizita por contrebuyir a recuperar y meter en valor iste proyeuto cultural, sozial y interpresarial en favor d'o patrimonio aragonés y o desarrollo d'o monezipio de Casbas de Uesca y de toda a Comarca d'a Hoya de Huesca – Plana de Uesca ...
30 Aug Subvenzions d’entre o 85% y o 100% d’o coste ta proyeutos enercheticos de Conzellos de menos de 5.000 abitadors
S'alchudicarán subvenzions por orden de solizitut a os munizipios chicoz que tiengan proyeutos enercheticos. Cal aprezisar-se, que s'acotolarán bien luego! L'IDAE (Instituto ta ra Diversificazión y Estalbio d'a Enerchía) fa clamamiento d’as aduyas d'o Programa DUS 5000, drento d'o Plan d'Aduyas ta proyeutos singulars d'enerchía limpia en munizipios chicoz u en risgo de despoblazión. Son aduyas de conzesión direuta -s'atenderán por orden de presentazión d'as solizituz, no pas por concorrenzia competitiva- destinatas a zinco tipos de midas: MIDA 1: Reduzión d'a requesta y o consumo enerchetico en edifizios y infrastruturas publicas. MIDA 2: Instalazions de chenerazión eleutrica renovable ta autoconsumo. MIDA 3: Instalazions de chenerazión termica renovable y de retes de calor y/u frior. MIDA 4: Luita cuentra a contaminazión luminica, alumbrau efizién y intelichén, Smart Rural y TIC. MIDA 5: Mobilidat Sostenible. A inversión minima a reyalizar ye de 40.000€ y a masima de 3.000.000€. Ye posible presentar solizituz entre o 5 de noviembre de 2021 y o 5 de noviembre de 2022 u dinantes, si s’acotola o presupuesto asignau. Delera cuenta con l'equipo de chestión alministrativa y teunica nezesario ta apoyar a os chiquez Conzellos que deseyen solizitar istas aduyas. Si amenestas más informazión u asistenzia: delera@delera.eu / 679 10 18 74 (Miguel Martínez Tomey)...
14 Nov Politicas ta ro mundo rural: propuestas con Delera
O podcast Quiero ser Rural entrevista a o Direutor Executivo de Delera. Miguel Martínez Tomey fabla d'as estratechias y enfoques que o meyo rural amenesta pa aproveitar as inmensas oportunidaz que ofrexe a vida en os lugars pa personas y interpresas. Será a crisis d'o Covid-19 o empentón enta una nueva chenerazión de repobladors rurals? (Puncha en a imachen pa escuitar o podcast -en castellano-) ...
26 Jun 2,7 millons d’euros ta empentar proyeutos d’interpresas, familias y asoziazions en o meyo rural d’Aragón
Uei s’ha publicato en o Boletín Ofizial d’Aragón o clamamiento d’aduyas d’o Fundo de Coesión Territorial d’Aragón, con o que se finanziarán a o 100% proyeutos de desarrollo empentatos por familias, interpresas y entidaz sin animo de lucro en os 636 munizipios más espoblatos d’Aragón. Ta ras interpresas bi ha una línia de subvenzión en gasto corrién con dica 5.000 euros d’aduya por demanda ta ra creyazión d’interpresas d’economía sozial y afavorexer l’afirmazión de chovens que aigan rematatos os suyos estudios universitarios u de formazión profesional. Atras cuatro línias adedicatas a inversión, con dica 20.000 euros d’aduya, s’enfilan enta seutors capables de creyar nuevas oportunidaz economicas basatas en recursos endochenos d’o territorio con o proposito d’asentar poblazión. Tamién se contemplan aduyas ta ra prestazión de servizios sozials y servizios complementarios a domizilio, transformazión y comerzializazión de produtos agroecolochicos y alimentos artesanos, ta potenziar a silvicultura local con a transformazión y diversificazión d’os produtos forestals y, en zagueras, ta promover a creyazión de servizios ambulans que no metan en risgo servizios fixos ya esistens. Ta ras entidaz sin animo de lucro y familias se finanzia o gasto corrién d’os plans de formazión pensatos espezialmén ta fomentar l’autoemplego femenino y a produtividat interpresarial. Atra línia refirma a creyazión y promozión d’autividaz d’as asoziazions culturals y esportivas locals, desarrollando eventos de calidat que enrezien l’autoestima d’os lugars y refirmen o seutor profesional cultural. As dos línias pueden atorgar dica un maximo de 10.000 euros por demandán. Bi ha atras dos línias: una ta aduyar a ras as entidaz sozials a enfortir os meyos disponibles ta o transporte sozial adautato, con un maximo de 20.000 euros d’aduya, y un atra espezifica ta particulars, que premita inversions de dica 10.000 euros en viviendas unifamiliars d’os lugars ta creyar entornos adautatos a presonas mayors y dependiens en a suya residenzia prenzipal. Plazo de presentazión: dica o 16 de chulio de 2020. Si amenestas más informazión u asistenzia: delera@delera.eu / 679 10 18 74 (Miguel Martínez Tomey) ...
17 Jun Comparexenzia en a Comisión ta ra Reconstruzión Sozial y Economica dimpués d’a Covid-19 d’o Congreso d’os Deputaus
O Direutor Executivo de Delera, Miguel Martínez Tomey, en a suya calidat de Presidén d'o Rolde de Estudios Aragoneses y miembro d'o Centro de Estudios sobre Despoblación y Desarrollo de Áreas Rurales, comparexió ro 15 de chunio en a Comisión ta ra Reconstruzión Sozial y Economica dimpués d'a Covid-19 (grupo de treballo sobre a Unión Europeya) d'o Congreso d'os Deputaus. Puede azeder a o vidio d'a sesión punchando aquí, y a o texto d'a suya intervenzión punchando aquí....
29 May Imo-nos-ne de crompas!
A Fase 2 premite ubrir a o publico toz os comerzios y servizios profesionals asinas que, por qué no aproveitar-ne? O unico que comerzians y cliens emos de fer ye aplicar as precauzions y midas que esbrusamos en iste articlo.
28 May Vesite o nuestro bar (a la fin!)
En toz os territorios que han pasato ta ra Fase 2 ya ye posible ubrir bars y restaurans a o publico (malas que encara no discotecas y bars d’ozio nueiturno), pero aplicando una serie de midas que esplanicamos de camín.
27 May Pautar l’adiamiento u a condonazión d’o loguero d’o nuestro local
Ye posible plegar a bel alcuerdo con o propietario d’o nuestro local ta aduyar-nos a superar a tancadura temporal d’o negozio. Ixo sí: tot por escrito.